बाह्रदशी गाउँपालिका कोशी प्रदेश, मेची अञ्चल, झापा जिल्लाको दक्षिणी भेगमा अवस्थित रहेको छ। नेपाल सरकारको पछिल्लो राज्य पुनरसंरचना २०७३ ले साविक गाउँ विकास समितिहरू राजगढ, चकचकी र डाँगीबारी लाई समावेश गरी बाह्रदशी गाउँपालिकाको नामकरण गरिएको हो। यस गाउँपालिकाभित्र विभिन्न धर्म सम्प्रदायका मानिसहरूको बसोबास रहेको छ। दक्षिणी भागमा आदिवासी जनजातिको बाहुल्यता रहेको छ भने मध्य र उत्तरी भागमा अन्य जातिको बाहुल्यता रहेको छ। यहाँका अधिकांश नागरिक कृषि पेशामा आबद्ध छन् भने केही जनसंख्या व्यापार व्यवसायमा पनि संलग्न छन्। गाउँपालिकाको दक्षिण भेगमा राजगढ बजार, मध्य भागमा चकचकी बजार र उत्तरी भेगमा डाँगीबारी बजार प्रमुख व्यापारिक केन्द्रका रूपमा रहेका छन्।

भौगोलिक अवस्थिति र सिमाना

समुन्द्र सतहबाट ७७ मिटरको उचाइमा रहेको यस गाउँपालिकाको समतल भूमि निम्न स्थानीय तहहरूसँग जोडिएको छ:

शैक्षिक तथा स्वास्थ्य पूर्वाधार

गाउँपालिकाभित्र अवस्थित सामुदायिक र संस्थागत विद्यालयहरूले यहाँका बालबालिकाहरूलाई सर्वसुलभ तरिकाले पठनपाठनमा सरिक गराएका छन् भने स्वास्थ्य संस्थाहरूले स्थानीयवासीलाई सहज रूपमा औषधि उपचारको व्यवस्था गरेका छन्। यातायात गुरुयोजनाले यस गाउँपालिकाभित्र ३२५ वटा सडक खण्डहरू पहिचान गरेको छ।

• १ वटा सामुदायिक क्याम्पस
• १६ वटा सामुदायिक विद्यालय
• १३ वटा संस्थागत विद्यालय
• १ वटा आधारभूत अस्पताल
• २ वटा स्वास्थ्य चौकी
• ५ वटा आधारभूत स्वास्थ्य चौकी

वडागत विवरण

बाह्रदशी गाउँपालिका ७ वटा वडामा विभाजन भएको छ। जसको विस्तृत विवरण तल प्रस्तुत गरिएको छ: